₪®ç₪§‰§..®»₪ أميرة المنتديات ₪«®..§‰§₪ç®₪
اهلا وسهلا

ملــيون مــرحبا بـك
معنا في منتدى الذي زاد أشراقا بقدومك العزيز علينا
بين اهلك وناسك ان شاء الله تجد الفائدة والمتعة
أتمنى أن تكون سعيد وأن تقضي أجمل أوقاتك هنا

اداره منتديات
اميرة المنتديات

تحياتي وتقديري

₪®ç₪§‰§..®»₪ أميرة المنتديات ₪«®..§‰§₪ç®₪

اثبت وجودك لا تقرا وترحل
 
الرئيسيةبحـثالأعضاءالتسجيلدخول
ربــــــــي لا أدرى مـــا تحملــــــه لـــــي الأيــــــــــام لكـــــــن ثقتــــــــي بـــــأنــــك معــــــي تكفينـــــــي،سبحــــــانـــك مـــــا أحلمـــك و بحــــــالي مـــــا أعلمـــك ...وعلــى تفــريـــــج همـــــي مـــــــا أقـــــدرك...أنـت ثقتــــــي ......ورجـــــائـــــي...فاجعـــــل حســــن... ظنـــــي فيــــك جـــــزائــــي

شاطر | 
 

 وللا انتو ايه رايكم?

اذهب الى الأسفل 
كاتب الموضوعرسالة
سمسم

avatar

المزاج : زى الفل

مُساهمةموضوع: وللا انتو ايه رايكم?   الجمعة أكتوبر 08, 2010 10:35 am

أنا نونو..
نونو قوى.. لسه فى بطن مامتى..
بس حبيت أرغى شوية.. أصلى قاعد هنا لوحدى..
صحيح آخر دلع.. بس برضه نفسى اتكلم..
كمان ماما مدوخانى معاها.. طول النهار محسسانى إنى فى الملاهى.. طالعة نازلة مش بترتاح ولا بتريحنى..
من شغلها.. لشغل البيت.. لأخواتى.. طول النهار كده..
وأخواتى بقى.. طول النهار دوشة وشقاوة.. وماما تصرخ فيهم علشان يسكتوا.. علشان يقعدوا يذاكرولهم كلمتين.. بس هما دايمًا مش بيسمعوا الكلام.. ويقولولها ما هو مفيش فايدة من المذاكرة دى..

ما أخونا الكبير أهو.. طلع عينه فى الثانوية العامة.. وجاب مجموع كبير.. وما دخلش بيه كلية كويسة..
وفى الآخر قاعد لا شغلة ولا مشغلة..

أما بابا بقى.. فطول النهار يزعق ويتخانق مع ماما.. ويشتكى من الأسعار اللى بقت نار.. والزحمة فى الشارع.. وقسوة الناس وجشعهم.. وطابور العيش اللى ما بيخلصش.. والفواتير اللى بقت نار.. ميه وكهربا وغاز وتليفون.. والنظافة اللى بندفعها ومابنشوفهاش.. حراااااااااااام..

وكمان الكوسة اللى فى الشغل.. بتطلع عينه ومش بياخد حقه ومديره هو اللى ياخد مجهوده.. والنفسنة بين زمايله.. وحاجة عجب..

كل ده وأنا سامعهم وساكت..
وخالى كمان.. عاوز يخطب حبيبته.. بس ما باليد حيلة.. خالى شغل وجيوبه مفلسة.. ولا عارف يجيب شبكة ولا شقة ولا عفش.. ولا حتى دبلة فضة..

وأهل العروسة محكمين رأيهم.. شقة 100 متر وعلى النيل.. وشبكة بكام ألف جنيه.. اعذرونى لسه مابعرفش أعد.. ويكتب مؤخر كبير قوى.. وكمان لازم يجيب تامر حسنى يغنى فى الفرح..

وهما كمان عمالين يجيبوا فى فرش وسجاد وستاير وصينى وحاجات ليها العجب.. معظمها بيتحط كده من غير لازمة..

وعمى اللى بيجى يشكى لبابا همه.. أصل ولاد الحرام نصبوا عليه وأخدوا تحويشة العمر.. وعشموه بالسفر.. أتاريهم يقصدوا سفرهم هما.. هما اللى أخدوا فلوسه وسافروا..

بس أحلى حاجة بقى تيتة وجدو.. دول اللى زى العسل.. وعاوز أنزلهم مخصوص.. مدلعين أخواتى على الآخر.. بونبونى وحلويات ولعب وحواديت.. آآآآآآآآآخر دلع..

بس تيتة طول النهار تهزأ البنات بتوع الفيديو كليب.. وتقول مياصة وقلة أدب.. مفيش حياء ولا تربية.. ولا حتى صوت حلو يصبرنا.. مفيش غير تنطيط ورقص ومياعة وبس.. وشباب مايصين ولا تفرقهم عن البنات.. وبيتكلموا كلام عجب.. لغة مش فهماها.. وبيشربوا بانجو وسجاير ولا بيهمهم .. وطول النهار صايعين فى الشوارع.. معقول دول ليهم أهل..

جدو بقى زعلان قوى.. كل يوم يرجع من الجامع متضايق.. بيقول الناس بطلت تصلى.. معقولة دى !!

الولد المجرم ابن الجيران بيزعق لأبوه عينى عينك كده.. والبنت اللى تستاهل الضرب بتبجح فى أمها.. عيال آخر زمن..

بس أكتر حاجة بتوترنى بقى هى نشرة الأخبار.. اللى بابا وجدو بيصمموا يسمعوها كل يوم.. كلها ضرب وقتل وحوادث.. وسرقة ونهب.. ولا فيه مرة خبر عدل.. حاجة تغيظ..

أنا هنا بقى شارى دماغى.. باكل وأشرب ببلاش.. ولا بدفع إيجار ولا ميه ولا نور.. ولا برمى زبالة فى الشارع.. وكمان معنديش مذاكرة ولا شايل هم شغل.. ولا عاوز أتجوز واحدة تطلع عينى وعين اللى جابونى لحد ما أتجوزها.. وبعدين أبقى زى بابا وجدو وخالو وعمو..

تقتكروا بعد كل اللى بسمعه ده.. أجى الدنيا ليه !! أجيب نفس منين!!
مش أنا هنا أحسن برضه!!
وللا انتوا إيه رأيكم؟
الرجوع الى أعلى الصفحة اذهب الى الأسفل
أميرة المنتدي
المدير العام
المدير العام
avatar

المزاج : عادي

مُساهمةموضوع: رد: وللا انتو ايه رايكم?   السبت فبراير 05, 2011 1:48 pm

تسلم الاياادي علي الطرح الرائع

لا حرمنا الله منك

________♥ التوقيعــ ♥ _________
الرجوع الى أعلى الصفحة اذهب الى الأسفل
http://nona.realbb.net
ارهابى حب

avatar

المزاج : عادى

مُساهمةموضوع: رد: وللا انتو ايه رايكم?   الأحد فبراير 20, 2011 11:21 am

هههههههههههههه بجد تسلم ايدك
الرجوع الى أعلى الصفحة اذهب الى الأسفل
NADA

avatar


مُساهمةموضوع: رد: وللا انتو ايه رايكم?   الخميس أبريل 07, 2011 2:04 pm

هههههههههههههههههههههههه
يااااااااااه ده بيتعب اوووووووى قبل ما يجى امال لو جه هيعمل ايه؟؟
تسلمى سمسم
الرجوع الى أعلى الصفحة اذهب الى الأسفل
سمسم

avatar

المزاج : زى الفل

مُساهمةموضوع: رد: وللا انتو ايه رايكم?   الإثنين يونيو 27, 2011 4:01 pm

شكرا لكم جميعا على المرور
الرجوع الى أعلى الصفحة اذهب الى الأسفل
 
وللا انتو ايه رايكم?
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
₪®ç₪§‰§..®»₪ أميرة المنتديات ₪«®..§‰§₪ç®₪ :: ཡ ΞৣΞ √ ྀمنتديات الضحك والفرفشهྀ√ ΞৣΞ ཡ :: ཡ ΞৣΞ √ ྀابتسامه الاعضاءྀ√ ΞৣΞ ཡ-
انتقل الى: